Natuklasan ko na ang tadhana pala ay hindi totoo, nagiging totoo lamang ito kung hindi natin makikita na lahat ay pinagsunod sunod na desisyon lamang...
Nagdesisyon si Babae na pumunta dito sa lugar na 'to... Nagkataon namang ganun din ang desisyon ni Lalaki. NAKATADHANA na magkita sila. :)
Ang Iyong Desisyon ay Aking Tadhana
Nababalot ng lamig ang buong paligid
Unti-unting nanunuot ang kalungkutan sa aking daigdig
Hindi alintana ang mga maaring mangyari
Ni hindi ko maisip kung paano mapipigtas ang tali
Sa buhay na puno ng kahibangan
May lumapit na ika mo'y makapangyarihan
Isang ngiti ay sadyang nakakagaan at nagdudulot ng ligaya
Mga matang waring nagsasabing kay sarap mabuhay sa twina
Dahan-dahang umusad ang buhay kong pagal
Ngayon ay napupuno ng pagpapala ng Maykapal
Dahil sa isang desisyon mong ako'y lapitan
Nagbigay kuhulugan sa aking buhay at ating pagmamahalan
Salamat sa walang pagtatanging pagmamahal
Ang puso ko ngayon nagkarron ng patutunguhan
Ngayon ako'y nagkaroon ng kaibigang makakasama
Dahil sa ang iyong desisyon ay aking tadhana
~~~ ♥♥♥
No comments:
Post a Comment