BALIW ALIW

Sa paglipas ng panahon
Sa paghihirap ako'y makakaahon
Maghihilom ang sugat sa puso
Sanhi ng pagiging sinto sinto

Tanging kilala ko'y ako
Walang iba at may sariling mundo
Luhang gumagawa ng kalawang
Iyak tawa ng isang buang

Titingin sa kanan at magsasalita
Tatalikod at tatawa
Tatayo at tatakbo
Uupo at malilito

Hindi titigil ang aking puso
Umibig kahit na ako'y bigo
Hindi nila ako maiintindihan
Dahil wala naman silang alam

Ako at ang aking masayang mundo
Ang patunay na mas maige pa ang sinto sinto
Kaysa naman nakikita mo ang mga tao
Walang ginawa kundi mang gago

May isa pang dapat malaman
Hindi pagtawa ang pinakamainam na kagamutan
Dahil kahit buong araw na akong natawa
Hindi padin gumagaling ang ulo kong sira