Simula ng Pagbabago

Walang nananatili sa pwesto
Kundi ang pagbabago
Walang hindi nagbabago
Kundi ang nananatili sa pwesto

Walang magnanakaw
Kung walang magpapanakaw
Walang magpapanakaw
Kung walang magnanakaw

Walang masasaktan
Kung lahat ay aalagaan
Walang aalagaan
Kung lahat ay nasasaktan

Walang pag-ibig
Kung walang mangingibig
Walang mangingibig
Kung walang pag-ibig

Walang kalungkutan
Kung walang kasiyahan
Walang kasiyahan
Kung walang kalungkutan

Walang ulan
Kung walang araw
Walang araw
Kung walang ulan

Walang musika
Kung walang mga nota
Walang mga nota
Kung walang musika

Walang ingay
Kung walang tahimik
Walang tahimik
Kung walang magiingay

Walang pagkatuto
Kung walang masasaktan
Walang masasaktan
Kung walang matututo

Walang makakadanas
Kung walang nakaraan
Walang nakaraan
Kung walang dinadanas

Walang puso
Kung walang utak
Walang utak
Kung walang puso

Walang simula
Kung walang katapusan
Walang katapusan
Kung hindi sinimulan

Walang buhay
Kung walang namamatay
Walang patay
Kung walang nabuhay

Walang paalam
Kung walang pagbati
Walang pagbati
Kung walang paalam

Walang ako
Kung walang tayo
Walang tayo
Kung wala ako